Гөлнара Габдрахманова: «Бөек Җиңү турында онытмау – безнең буын бурычы»
7 май көнне татарстанлылар «Җиңү диктанты» бөтенроссия акциясендә катнашты.
Акцияне «Бердәм Россия» бөтенроссия сәяси партиясе, Россия тарих җәмгыяте, Россия хәрби-тарихи җәмгыяте һәм Җиңү волонтерлары Бөтенроссия иҗтимагый хәрәкәте оештырдылар. Диктант «Бердәм Россия» партиясенең «Тарихи хәтер» федераль проекты кысаларында үткәрелде. Татарстан Республикасында «Тарихи хәтер» партия проектының Иҗтимагый советы рәисе - Татарстан Республикасының Архив эше буенча дәүләт комитеты рәисе Гөлнара Габдрахманова.
Татарстанда диктант 8 мәйданчыкта узды, алар арасында «Региональ белем бирү сыйфатын мониторинглау үзәге» дәүләт бюджет учреждениесе. Биредә акциядә Казан шәһәренең Киров районы укучылары катнашты.
«Хәзерге буынның бурычы - Җиңүнең ничек белән бирелгәнен онытмаска. Нинди кешеләр катнашуын, сугыш вакытында нинди вакыйгалар булганын истә тотарга кирәк. Бүгенге көн белән яшәгәндә без үткәннәрне онытмаска тиеш» - диде Гөлнара Габдрахманова диктантта катнашучыларга.
Соңыннан Гөлнара Габдрахманова диктант язуда уңышлар теләде. «Җиңү диктанты» нәтиҗәләре Россия көненә 12 июньдә ясалачак.