Лаеш шәһәрендә гражданнарның хезмәт хокуклары турында фикер алыштылар
Лаеш шәһәрендә Татарстан Республикасы Архив эше буенча дәүләт комитеты һәм Татарстан Республикасында Кеше хокуклары буенча вәкаләтле вәкил Аппараты вәкилләре Лаеш, Балык Бистәсе һәм Питрәч муниципаль районнары оешмалары җитәкчеләренә гражданнарның хезмәт хокукларын үтәү үзенчәлекләре турында сөйләделәр.
Көн тәртибендәге төп мәсьәлә - юридик әһәмиятле документлар белән аларны раслау юлы белән гражданнарның хокукларын тәэмин итү. Доклад белән Татарстан Республикасы Архив эше буенча дәүләт комитеты архив эшен үстерү һәм мәгълүмати хезмәтләрен оештыру бүлегенең әйдәп баручы консультанты Чулпан Гыйниятуллина чыгыш ясады.
"Мондый хәлнең төп сәбәбе - оешма җитәкчеләренең үз хезмәт документларын саклауга саксыз мөнәсәбәте. Документлар муниципаль яки дәүләт архивларына саклауга бирелми. Нәтиҗә буларак - мөрәҗәгать итүчеләрнең стажы һәм хезмәт хакы расланмый, чөнки саклауга документлар кермәгән, - дип билгеләде Чулпан Гыйниятуллина.
Архив эше турындагы Федераль закон нигезендә, юридик зат оештырмыйча гына эшмәкәрлек эшчәнлеге белән шөгыльләнүче оешмалар һәм гражданнар документларның, шул исәптән эш-хезмәт состав буенча документларның сакланышын, аларны саклау вакыты дәвамында тәэмин итәргә тиеш.
Архив эше буенча дәүләт комитеты сайтында Татарстан Республикасы территориясендә урнашкан, банкротлык нәтиҗәсендә яисә башка сәбәпләре буенча юкка чыгарылган, шәхси состав буенча Татарстан Республикасы дәүләт һәм муниципаль архивларына саклыкка документлар кермәгән оешмаларның исемлеге урнаштырылды. Бу исемлектә Лаеш районының 9 предприятиесе, 1 Балык Бистәсе районы, 2 Питрәч районы.