Республика муниципаль районнарының авыл җирлекләре җирле үзидарә органнары белән архив эше мәсьәләләре буенча методик семинар
2025 елның 10 июлендә Татарстан Республикасының Архив эше буенча дәүләт комитеты «Татарстан Республикасы Дәүләт архивы» ДБУ базасында Татарстан Республикасы Мамадыш муниципаль районы авыл җирлекләренең җирле үзидарә органнары архивы өчен җаваплы затлар белән архив эше мәсьәләләре буенча методик семинар уздырды.
Методик семинар кысаларында Татарстан Республикасы Дәүләт архивы буенча экскурсия үткәрелде. Катнашучылар Татарстан Республикасының Бердәм архив мәгълүмат системасында, «Ядкяр» генеалогия порталында эшләү мөмкинлекләре, уникаль техника җиһазлар, шулай ук мультимедиа материаллары тупланган «Истәлек» электрон укыту-агарту ресурсы белән таныштылар.
Методик семинарда архив эшен оештыру, архив документларының сакланышын тәэмин итү, документларның кыйммәтлелегенә экспертиза ясау һәм Иң яхшы оешма архивы конкурсын уздыру шартлары турындагы мәсьәләләр каралды.
Муниципаль архивларны туплау чыганаклары булып торучы авыл җирлекләренең җирле үзидарә органнарына методик ярдәм күрсәтү һәм алар белән үзара хезмәттәшлек итү дәвам итәчәк.