Татарстан Республикасы Архив эше буенча дәүләт комитеты ЭПМКның чираттагы утырышы булды
2025 елның 25 июлендә Татарстан Республикасы архив эше буенча дәүләт комитетының экспертиза-тикшерү һәм методик комиссиясенең сигезенче чираттагы утырышы ТР Архив эше буенча дәүләт комитеты рәисе урынбасары Гөлнара Минҗанова рәислегендә узды. Комиссия эшендә ЭПМКның 12 әгъзасы катнашты.
ЭПМК тикшерүенә 702 төрле документ проекты кергән, шуларның 60 проекты дәүләт архивын туплау чыганаклары булып торучы оешмалардан һәм 642 проекты республика муниципаль архивларын туплау чыганаклары булып торучы оешмалардан алынган.
Утырыш йомгаклары буенча 137 оешма эш номенклатурасы расланды, 159 архив турында нигезләмә, 159 эксперт комиссиясе турында нигезләмә, 30 эш башкару буенча кулланма килештерелде, 83 даими саклау сроклы исемлек, 44 шәхси состав һәм эштән азат ителгән хезмәткәрләр буенча делолар исемлеге, 8 аудиовизуаль документ расланды.
Татарстан Республикасы Архив фонды составына 9 гражданның шәхси документлары кабул ителде, шуларның алтысы махсус хәрби операциядә катнашучыларныкы: Мингалеев Мөнир Альберт улы, Гатауллин Рөстәм Фәрит улы, Ананьев Евгений Александрович, Сахапов Дмитрий Рамил улы, Валерий Вячеславович һәм Виталий Вячеславович Комиссаровлар.
Экспертлар тарафыннан аеруча кыйммәтлеләр составына Татарстан Республикасы Дәүләт архивында ачыкланган 1943-1947 еллар чорына караган 21 эш кертелде.
Муниципаль архивларны туплау чыганаклары булып торучы оешмалар тарафыннан тапшырылган сакланырга тиеш булмаган документларны юкка чыгаруга бирү турында актларны әзерләү сыйфаты турында фикер алышуга аерым игътибар бирелде. Кергән 22 проектның 13 е эшләп бетерүгә җибәрелде.
Утырыш барышында шулай ук 24 оешманы Зәй, Кайбыч, Лениногорск, Менделеевск, Балык Бистәсе, Ютазы муниципаль архивлары һәм Казан шәһәре архивын комплектлау чыганакларына кертү турында карар кабул ителде.
ЭПМКның чираттагы утырышы 2025 елның 22 августында узачак.