ЯҢАЛЫКЛАР

2015 елның 16 мартында Татбашархивның даими гамәлдәге эксперт комиссиясенең утырышы булды. Комиссия утырышында Татбашархивның структур бүлекләренең сакланырга тиеш булмаган документларын юк итүне бүлеп алу актлары каралды.

Бөек Җиңүнең 70 еллыгына “Гасырлар авазы – Эхо веков” фәнни-документаль журналы сәхифәсендәге “Журналга кушымталар” бүлегенә “Фронтовик татарларга татар халкыннан сәлам хат” һәм аңа җаваплар” документлар җыентыгының һәм “Татарстан – 1941-1945 еллар Бөек Ватан сугышындагы җиңүнең арсеналларыннан берсе” документлар һәм материаллар җыентыгының электрон вариантлары урнаштырылды.

Татарстан Республикасы Министрлар Кабинеты каршындагы Баш архив идарәсе белән Мисырның Милли китапханәсе һәм Милли архивы Генераль оешмасы арасында басмалар алмашу кысаларында Татбашархивка Мисыр басмалары килде.
Нәҗван Мөхәррәм исемле галимәнең 2013 елда басылып чыккан “Каһирә хәзинәләре” китабы Мисыр башкаласының тарих һәм мәдәният ядкарьләренә багышланган очеркларны эченә алган.
Әхмәд әл-Котуриның 2013 елда дөнья күргән “Госманлы дәүләте тарихы турында” китабы Госманлы империясе тарихының кыскача күзәтүеннән гыйбарәт.

Сөвәйс каналы универитеты тарафыннан өч айга бер итеп чыгарыла торган “Мирас һәм мәдәният” гыйльми журналында (№ 1. – Декабрь 2013) Мисыр галимнәренең борынгы Мисыр мәдәниятен өйрәнүгә багышланган мәкаләләре дөнья күрде.

Татарстан Республикасы Милли архивы сәхифәсендәге «1941-1945 еллар Бөек Ватан сугышындагы Җиңүнең 70 еллыгына» бүлегенә “1941-1945 еллар Бөек Ватан сугышында катнашкан Татарстан архивчылары” исемле документаль күргәзмә урнаштырылды. Экспозициядә Бөек Ватан сугышында катнашкан архивчылар В.Г.Бебешко, М.Ю.Волков, Н.Ф.Славин, Ш.Й.Йосыпов турында 20 документ тәкъдим ителә.

2015 елның 2 мартыннан 6 мартына кадәр Татарстан Республикасы Эш-хезмәт документлары дәүләт архивы тарафыннан 387 мөрәҗәгать кабул ителде. Шәхси рәвештә мөрәҗәгать итүчеләрдән 222 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 117 мөрәҗәгать кабул ителде. Архив хезмәткәрләре тарафыннан 338 архив белешмәсе хәзерләнде.