Архивчылар һәм мәктәп укучылары Казан Кремлендә ветераннарга сугыш чоры хатлары укыдылар

2018 елның 11 мае, җомга

2018 елның 11 маенда Татарстан Республикасы Дәүләт архивы “Казан Кремле” дәүләт тарих-архитектура һәм сәнгать музей-тыюлыгының “Манеж” күргәзмәләр залында Җиңү көненә багышланган “Сугышның үлемсез сүзләре” дип аталган чара үткәрде. Чарада Бөек Ватан сугышы ветераннары һәм Казан шәһәренең Авиатөзелеш районы 54 нче номерлы мәктәбенең 5 “В” сыйныф укучылары катнашты. Архивчылар һәм укучылар ветераннарга сугыш чоры хатлары укыдылар, Татарстан Республикасы Дәүләт архивында сакланган Бөек Ватан сугышы еллары кинохроникасын карадылар.