Бүген һәм 100 ел элек архивлар

2018 елның 8 августы, чәршәмбе

Кукмара муниципаль архивы фойесында Россия дәүләт архив хезмәтенең 100 еллыгына багышланган күргәзмә ачылды. Экспозициядә Россиядә һәм Татарстанда архив хезмәте, революциядән соң оешкан беренче архивлар, РСФСРда архив эше идарә органының беренче җитәкчесе Б.Э.Рязанов турында мәгълүмат тәкъдим ителә. Стендта шулай ук Татарстанда архив хезмәтенең үсеш перспективалары турындагы мәгълүмат белән танышып була.