Татарстан Республикасының Архив эше буенча дәүләт комитеты “Минем шәҗәрәм” конкурсларын үткәрә
Татарстан Республикасының Архив эше буенча дәүләт комитеты «Минем шәҗәрәм" республика балалар-яшүсмерләр генеалогик тикшеренүләр конкурсы һәм «Минем шәҗәрәм» республика генеалогик тикшеренүләр конкурсы үткәрә.
Конкурсларның максаты – гаиләне ныгытуга ярдәм итү, балалар һәм яшьләрнең үз гаиләсе тарихын өйрәнүгә кызыксынуларын арттыру, гаилә шәҗәрәсе төзү традицияләрен торгызу.
Конкурсларның бурычлары - гаилә тарихының ил һәм туган як тарихына бәйләнешен өйрәнеп балаларның һәм яшьләрнең патриотик тәрбияләренә ярдәм итү; буыннар арасындагы гаилә традицияләрен һәм туганлык мөнәсәбәтләрен ныгытуга ярдәм итү; тарихи-нәсел тикшеренүләрнең традицияләрен саклап калу һәм үстерү; архив материаллары белән эшләүгә, туган якны өйрәнүгә, тарихи һәм матур әдәбиятны укуга җәлеп итү.
Конкурслар 2018 елның 1 октябреннән 25 октябренә кадәр үткәрелә.
Конкурслар турында нигезләмәләр Татарстан Республикасының Архив эше буенча дәүләт комитеты сайтының «Эшчәнлек» бүлегенең «Грантлар, архив конкурслары» бүлекчәсендә урнаштырылган.