Эшләр номенклатурасын ничек дөрес итеп төзергә: Дәүләт архивы хезмәткәрләре «Татарстан Республикасы Президенты Дәүләт торак фонды» коммерциячел булмаган оешмасы хезмәттәшләренә методик ярдәм күрсәтте
2019 елның 14 июнендә Дәүләт архивы хезмәткәрләре «Татарстан Республикасы Президенты Дәүләт торак фонды» коммерциячел булмаган оешмасында булдылар. Татарстан Республикасы Архив фондын тулыландыру бүлегенең баш архивчылары Вера Петрова һәм Дилә Галимуллина әлеге оешмада барлыкка килә торган документлар составын билгеләүдә, эшләрнең номенклатураларын төзү өчен методик ярдәм күрсәттеләр.
Белешмә өчен:
«Татарстан Республикасы Президенты Дәүләт торак фонды» коммерциячел булмаган оешма 1995 елның 30 мартында оештырылган. Фонд эшчәнлегенең төп юнәлеше – Россия Федерациясе Хөкүмәте, Татарстан Республикасы дәүләт хакимияте органнары һәм җирле үзидарә органнары тарафыннан кабул ителгән торак программаларын гамәлгә ашыру, шулай ук Татарстан Республикасы халкына социаль ипотека, гражданнарга һәм юридик затларга ипотека кредиты бирү нигезендә торакны гамәлгә ашыру. Фонд торак йортлар, социаль, инженер инфраструктурасы объектлары һәм төзекләндерү өчен акча инвестицияли, заказчы, төзелә һәм реконструкцияләнә торган объектларны төзүче булып тора, торак төзелешен үстерү һәм республика халкын, шул исәптән яшь гаиләләрне, торак белән тәэмин итү өчен билгеләнгән тәртиптә торак объектларын сатып алу һәм сату хокукына ия.