"Квиз, плиз": ике тур нәтиҗәләре буенча бишенче урын

2019 елның 23 сентябре, дүшәмбе

2019 елның 21 сентябрендә «Квиз, плиз»интеллектуаль-күңел ачу уенының икенче туры узды. Аны Россия Федерациясенең дәүләт учреждениеләре һәм иҗтимагый хезмәт күрсәтү хезмәткәрләренең гомумроссия һөнәри берлегенең Татарстан республика оешмасы оештырды.

Уенда Татарстан Республикасы дәүләт органнарының 24 командасы катнашты, алар арасында Татарстан Республикасының Архив эше буенча дәүләт комитеты һәм «Татарстан Республикасы Дәүләт архивы» дәүләт бюджет учреждениесе хезмәткәрләре төркеме дә булды.

Уен 7 раундтан торды. Беренче һәм икенче тур нәтиҗәләре буенча Татарстан архивчылары бишенче урынны алды. Өченче тур 15 декабрьдә узачак.