«Архив документларын реставрацияләү эшләрен оештыру тәртибе: проблемалар һәм аларны хәл итү юллары» семинар-киңәшмәсе
2020 елның 2 декабрендә Татарстан Республикасы Архив эше буенча Дәүләт комитеты тарафыннан «Архив документларын реставрацияләү эшләрен оештыру тәртибе: проблемалар һәм аларны хәл итү юллары» темасы буенча видеоконференцэлемтә режимында семинар-киңәшмә уздырды. Семинар-киңәшмәдә Чиләбе өлкәсе, Алтай һәм Хабаровск крайлары, Мәскәү коллегалары доклад белән чыгыш ясады, шулай ук Башкортстан Республикасының, Әстерхан һәм Ульяновск өлкәләренең архив хезмәте вәкилләре катнашты. Чиләбе өлкәсенең Берләштерелгән дәүләт архивы документларының сакланышын тәэмин итү лабораториясе мөдире Елена Сергеевна Страшевская заманча реставрация җиһазларын куллану практикасын күрсәтте. Семинарда катнашучылар документның җитмәгән өлешләрен тулыландыру өчен түбән басымны реставрацияләү өстәле эшен күрделәр.
Россия фәнни-техник документациянең микрофильмлаштыру һәм документларны реставрацияләү лабораториясе башлыгы урынбасары, югары категорияле реставратор Ирина Сергеевна Шарапова калькада башкарылган документларны реставрацияләү тәҗрибәсе белән уртаклашты. Ирина Сергеевна үз докладында документны әзерләү, торгызу һәм калькада эшләнгән архив документларын реставрацияләү процессын этаплап һәм җентекләп яктыртты. И.С. Шарапованың доклады семинарда катнашучыларда зур кызыксыну уятты. Казан дәүләт медицина университетының гомуми һәм органик химия кафедрасы мөдире, химия фәннәре докторы профессор Лилия Евгеньевна Никитина мәдәни кыйммәтләрне, шул исәптән архив документларын саклау максатында гөмбә-биодеструкторларга каршы көрәшнең яңа ысуллары һәм чаралары турында сөйләде.
«Татарстан Республикасы Дәүләт архивы» ДБУ директоры урынбасары Сергей Николаевич Горохов Кытай Халык Республикасының Сычуань провинциясе архив учреждениеләренең реставрация эшчәнлеге тәҗрибәсен, шулай ук Иран республикасында «Астан Кудц Резави» музей-китапханә комплексын реставрацияләү үзәген яктыртты. Мондый чаралар үткәрү РФ төбәкләрендәге архивистларның һөнәри хезмәттәшлеге эшендә зур әһәмияткә ия.