Татарстан Республикасының Архив эше буенча дәүләт комитеты каршындагы Иҗтимагый совет утырышы
2020 елның 10 декабрендә Татарстан Республикасының Архив эше буенча дәүләт комитеты каршындагы Иҗтимагый советның чираттагы утырышы узды.
Утырышта Татарстан Республикасының Архив эше буенча дәүләт комитеты рәисе урынбасары Г.Ф. Минзянова, Иҗтимагый совет рәисе Р. М. Шакирзянов, Иҗтимагый совет әгъзалары, Татарстан Республикасының Архив эше буенча дәүләт комитеты структурасы бүлекчәләре һәм Татарстан Республикасы Дәүләт архивы җитәкчеләре катнашты.
Утырышта «Татарстан Республикасы Дәүләт архивы» ДБУ директорының беренче урынбасары Р.Р. Сибгатуллина дәүләт архивы хезмәткәрләренең квалификациясен күтәрү юнәлешләре турында җентекләп сөйләде.
Архив документларыннан фәнни файдалану һәм халыкара элемтәләр бүлеге хезмәткәрләре халыкара һәм төбәкара хезмәттәшлек турында сөйләделәр, шулай ук архив эше өлкәсендә иң яхшы дөнья практикалары белән таныштырдылар.
2021-2023 елларга архив эше турындагы законнарның мәҗбүри таләпләрен бозуны булдырмау программасы турында фикер алыштылар. Татарстан Республикасының Архив эше буенча дәүләт комитетының хокук һәм кадрлар хезмәте бүлеге башлыгы Л.М. Хабибуллина хезмәт законнарын үтәүне ведомство контроле турында сөйләде.
Утырыш беркетмәсе белән Татарстан Республикасының Архив эше буенча дәүләт комитеты сайтының «Татарстан Республикасының Архив эше буенча дәүләт комитеты каршындагы Иҗтимагый совет» бүлегендә танышырга мөмкин.