Ленинград блокадасы бетүнең 81 еллыгына багышланган конференция
2025 елның 27 гыйнварында Идарә университеты (ТИСБИ) базасында Татарстан Республикасының Архив эше буенча дәүләт комитеты видео-конференция форматында Ленинградны блокададан тулысынча азат итүнең 81 еллыгына багышланган төбәкара тарихи-архив конференциясен оештырды.
Әлеге конференциядә Татарстан Республикасы Дәүләт архивы хезмәткәрләре, Санкт-Петербургның Үзәк дәүләт архивы һәм Санкт-Петербургның тарихи-сәяси документларының Үзәк дәүләт архивы хезмәткәрләре, шулай ук ТИСБИ укытучылары һәм студентлары катнашты.
Җыелганнарга кереш сүз белән университетның яшьләр сәясәте һәм тәрбия эшчәнлеге буенча проректоры Евгения Александровна Прохорова мөрәҗәгать итте. Үз чыгышында ул үз иленең тарихын, 1941-1945 еллардагы Бөек Ватан сугышы елларында Ватанны саклаган кешеләрне хәтерләүнең кирәклеген ассызыклады.
Архив документларын һәм халыкара элемтәләрне фәнни файдалану бүлеге башлыгы Бастрыгина Ирина Вениаминовна республика үсеше баскычларын тасвирлый торган “Тарих картасы” мультимедиа проекты турында тәфсилләп сөйләде, аның кысаларында Татарстан архивлары коллекциясе материалларына нигезләнгән бүлек булдырылган.
Татарстан Республикасы Дәүләт архивының фәнни эшләр буенча директор урынбасары Кузнецова Людмила Олеговна блокададагы Ленинградтан Татарстан АССР га эвакуацияләнгән кешеләр турында доклад белән чыгыш ясады. Татарстан АССР Ленинградтан эвакуацияләнгәннәрне беренчеләрдән кабул иткән СССР республикаларының берсе булган.
Санкт-Петербург Үзәк дәүләт архивының мәгълүмат эзләү системалары бүлеге мөдире Кудрявцева Татьяна Александровна конференциядә катнашучыларга Таня Савичеваның һәм аның гаилә әгъзаларының Бөек Ватан сугышы һәм Ленинград блокадасы елларында тормышларыннан яңа фактларны җиткерде.
Конференцияне Санкт-Петербургның Үзәк дәүләт тарихи-сәяси документлар архивының фәнни-бастыру һәм күргәзмә эше бүлегенең әйдәп баручы архивчысы Баландина Олеся Александровна Ленинградта А.М. Судаев пистолет-пулеметларын җитештерү турындагы доклады белән тәмамлады. Хәтта Ленинград блокадасы шартларында да фронтка бик кирәкле корал уйлап табу һәм җитештерү эше дәвам итүнең бер мисалы буларак күрсәтелде ул.
Без чарада катнашучыларның барысына да рәхмәт белдерәбез, шулай ук илебез тарихы буенча архив документларын популярлаштыру өлкәсендә алга таба да хезмәттәшлек итәрбез дип ышанып калабыз.