Республика муниципаль районнарының җирле үзидарә органнары белән архив эше мәсьәләләре буенча методик семинар
2025 елның 6 февралендә Татарстан Республикасы Архив эше буенча дәүләт комитеты «Татарстан Республикасы Дәүләт архивы» ДБУ базасында Татарстан Республикасы Алексеевск муниципаль районының 20 авыл җирлеге җирле үзидарә органнары архивы өчен җаваплы затлары белән архив эше мәсьәләләре буенча методик семинар уздырды.
Методик семинар кысаларында Татарстан Республикасы Дәүләт архивы буенча танышу экскурсиясе үткәрелде. Катнашучылар Татарстан Республикасының Бердәм архив мәгълүмат системасында, “Ядкяр” генеалогия порталында эшләү мөмкинлекләре, уникаль техник җиһазлар белән таныштылар.
Методик семинарда архив эшен оештыру, архив документларының сакланышын тәэмин итү, документларның кыйммәтлелегенә экспертиза ясау һәм Иң яхшы оешма архивы конкурсын уздыру шартлары турындагы мәсьәләләр каралды.
Авыл җирлекләренең җирле үзидарә органнары - муниципаль архивларны туплау чыганаклары белән методик ярдәм һәм үзара хезмәттәшлек итү дәвам итәчәк.