2025 елның 3-4 мартында Татарстан Республикасының архив тармагы вәкилләре: Архив эше буенча дәүләт комитеты рәисе урынбасары - Илдарханова-Балчыклы Г.И. һәм комитетның документларны фәнни файдалану һәм халыкара элемтәләр бүлеге өлкән белгече - Корнева О.В. Һиндстан Республикасының Дели шәһәрендә булып кайттылар. Визитның максаты Татарстан Республикасының архив учреждениеләре эшендә алга таба да файдалану өчен архив эше өлкәсендә иң яхшы тәҗрибәләрне өйрәнү булды.

Чәршәмбе, 2025 елның 19 февралендә, «Татарстан Республикасы Дәүләт архивы» ДБУендә Татарстан Республикасы Архив эше буенча дәүләт комитеты каршындагы Иҗтимагый советның һәм Татарстан Республикасы Җир һәм мөлкәт мөнәсәбәтләре министрлыгы каршындагы Иҗтимагый советның Иҗтимагый советлар ярдәмендә башкарма хакимият органнарында коррупциягә каршы эшчәнлек чараларын гамәлгә ашыру мәсьәләләре буенча агымдагы елда беренче уртак утырышы булды.

2025 елның 13 февралендә Татарстан Республикасы Архив эше буенча дәүләт комитеты «Татарстан Республикасы Дәүләт архивы» ДБУ базасында Татарстан Республикасы Әлки муниципаль районының җирле үзидарә органнары архивы өчен җаваплы затлар белән архив эше мәсьәләләре буенча методик семинар уздырды.

2025 елның 11 февралендә Татарстан Республикасы Архив эше буенча дәүләт комитетының күргәзмәләр залында А.С.Пушкин истәлегенә (10 февраль - шагыйрьнең вафат булу көне) һәм аның 1833 елда Казанга килеп китүенә багышланган архив документлары күргәзмәсе тәкъдим ителде.