Татбашархив җитәкчесе Россия һәм Беларусь архивчыларының һөнәри очрашуында катнашты
2014 елның 2-5 июнендә Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов Россия делегациясе составында Россия белән Беларусь архивчыларының “Төрле төр күчерелмәләрдәге документларның сакланышын тәэмин итү” темасына багышланган һөнәри очрашуында һәм Россия федераль агентлыгы белән Беларусь Республикасы Юстиция министрлыгының Архивлар һәм эш башкару департаменты коллегияләренең “Россиядә һәм Беларусьтә архивчы кадрларын хәзерләү һәм квалификацияләрен күтәрү буенча эш тәҗрибәсе” темасына багышланган уртак утырышында катнашты. Татарстан архив хезмәте җитәкчесе архивчыларның һөнәри очрашуында «Татарстан Республикасы Аудиовизуаль документлар үзәк дәүләт архивының электрон документлар саклагычын оештыру тәҗрибәсеннән» темасына чыгыш ясады.