Татбашархив җитәкчесе Федераль архив агентлыгы каршындагы Архив эше буенча совет утырышында катнашты

Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов 2014 елның 7-10 октябрендә Федераль архив агентлыгы каршындагы Архив эше буенча совет утырышында катнашты. Утырыш Санкт-Петербург шәһәрендә узды. Советта катнашучылар архив эше белән бәйле мәгълүматны Интернет челтәрендә урнаштыру мәсьәләләре турында фикер алыштылар.
Архив эше буенча совет кысаларында Тарихчы-архивистлар Россия җәмгыяте алтынчы чакырылыш Үзәк советының II Пленумы узды. Пленум утырышында Россиядәге архив оешмаларын әзерлекле кадрлар белән тәэмин итү мәсьәләләре һәм Тарихчы-архивистлар Россия җәмгыятенең хәзерге этапта гуманитар өлкәдә һөнәри белем бирүнең сыйфатын яхшырту белән бәйле бурычлары каралды.