Татарстан Республикасының Архив эше буенча дәүләт комитеты

Татарстан Республикасы Милли архивы хәбәр итә

2015 елның 12 гыйнвары, дүшәмбе

2014 елда Татарстан Республикасы Милли архивына 15396 саклау берәмлеге тапшырылды. Шулардан 14758 саклау берәмлеге – идарә документлары, 201 саклау берәмлеге – фәнни-техник документлар, 437 – шәхси документлар. Саклануга кабул ителгән материаллар арасында – ТАССРның халык язучысы, СССРның һәм ТАССРның Югары Советлары депутаты, Казан шәһәренең Почетлы граҗданы Гомәр Бәшировның шәхси документлары («Җидегән чишмә» романының, «Гыйбрәт», «Сиваш», «И язмыш, язмыш...» повестьларының кулъязмалары, төрле очрашулардагы чыгышлары, көндәлекләре) бар.

Архивка беренче тапкыр түбәндәге оешмалардан документлар кабул ителде: «Татарстан» журналы редакциясе (1991-2009 еллар өчен), Татарстан Республикасы Дәүләт җыр һәм бию ансабле (1991-2003 еллар өчен), Татар фольклорын җыю, саклау, өйрәнү һәм пропагандалау үзәге (1991-2010 еллар өчен), Республика клиник хастаханәсе (1982-2003 еллар өчен), Республика балалар клиник хастаханәсе (1976-2003 еллар өчен), Һәлакәтләр медицинасы республика үзәге (1991-2000 еллар өчен).

БАРЛЫК ЯҢАЛЫКЛАРНЫ УКУ