Татарстан Республикасы Милли архивы студентларга экскурсия үткәрде

Татарстан Республикасының Милли архивында Казан православ рухани семинария студентларына экскурсия үткәрелде. Семинаристлар архивның уникаль һәм аеруча кыйммәткә ия булган документлары – тарих, әдәбият, медицина, дин тарихы буенча рус, гарәп, монгол, француз, грек һәм башка телләрдәге кулъязма һәйкәлләре белән таныштылар. Документлар арасында – гарәп теле грамматикасы буенча Әбү Бишер Сибәвәйһи хезмәтенең XII-XIII гасыр башына караган күчермәсе, патша Иван IVнең Зөя каласындагы Богородица монастыре архимандриты Германга 1555 елда биргән ярлыкаш грамотасы, император Павел I тарафыннан генерал-адъюнкт Абрам һәм флигель-адъютант Богдан Боратынскийларга Тамбов һәм Смоленск губерналарындагы утарларга милек хокукы биргән 1798 елгы ярлыкаш грамотасы, Казан шәһәре чиркәүләренең 1725 елгы метрика кенәгәләре, XVII йөз псалтыре һәм башкалар бар.