“Гасырлар авазы – Эхо веков” фәнни-документаль журналына язылу башланды

«Гасырлар авазы – Эхо веков» фәнни-документаль журналының 2017 елның беренче яртысына язылу башланды. «Гасырлар авазы – Эхо веков» Россия Федерациясе Мәгариф һәм фән министрлыгы каршындагы Югары аттестацияләү комиссиясе тарафыннан төзелгән, кандидатлык һәм докторлык гыйльми дәрәҗәсен казану өчен язылган диссертацияләрнең төп фәнни нәтиҗәләре нәшер ителә торган, рецензияләнүче фәнни басмалар исемлегенә кертелде. Журналның һәрбер санында тарихка багышланган фәнни мәкаләләр һәм уникаль архив документлары басыла.

Журналга барлык почта бүлекләрендә «Роспечать» агентлыгы каталогы буенча һәм Татарстан Республикасы дәүләт һәм муниципаль хезмәтләр порталы (https://uslugi.tatarstan.ru/russian_post/subscribe/authenticate) аша язылырга була.

Язылу индексы – 78704.

Журналны шулай ук Казан шәһәре, Кремль урамы, 2/6 адресы буенча сатып алырга мөмкин.