Экология елына багышланган күргәзмә белән Лаеш интернат-мәктәбе укучылары таныштылар

2017 елның 19 апрелендә сәламәтлек мөмкинлекләре чикләнгән балалар өчен Лаеш интернат-мәктәбенең 7-11 сыйныф укучылары Экология елына багышланган документаль күргәзмә белән таныштылар. Күргәзмә Татарстан Республикасының Архив эше буенча дәүләт комитетының күргәзмәләр залында урнаштырылган. Татарстан Республикасы Дәүләт архивы бүлеге мөдире Н. А. Шарангина укучыларны шимбә өмәләре тарихын һәм әйләнә-тирә мохитны саклауга багышланган чараларны яктырткан документлар белән таныштырды.