ЯҢАЛЫКЛАР

АКШның Аризона дәүләт университеты аспиранты Ромеро Джон Малви Татарстан Республикасы Тарихи-сәяси документлар үзәк дәүләт архивында сакланучы документларны өйрәнә. Аның диссертация темасы Сталиннан соңгы дәвердә Татарстан мәдәниятенең үсешен өйрәнү белән бәйле.

2014 елның 25 декабрендә Татарстан Республикасы Министрлар Кабинеты каршындагы Баш архив идарәсе Татарстан Республикасы дәүләт граждан хезмәткәрләренең хезмәт тәртибенә куелган таләпләрне үтәү һәм мәнфәгатьләр конфликтын җайга салу буенча комиссиянең утырышы узды. Утырышта Татбашархивта коррупцияне булдырмау эшенең торышы, Комиссиянең 2014 елдагы эшчәнлеге нәтиҗәләре, Комиссиянең 2015 елга эш планы һәм Россия Федерациясе дәүләт хезмәтендә мәнфәгатьләр конфликтының типик ситуацияләре һәм аларны хәл итү тәртибе турында белешмәлек раслау кебек мәсьәләләр каралды.

VIII гасыр филологы Әбү Бишер Сибәвәйһи хезмәте күчермәсенең Татарстан Республикасы Архив фонды уникаль документлары республика реестрына кертелү уңае белән “Татарстан Республикасы Министрлар Кабинеты каршындагы Баш архив идарәсе” сайтының “Уникаль документлар” бүлегенә “Сибәвәйһи “Китаб”ының кулъязмасы” исемле бүлекчә өстәлде.

Татбашархивның 2014 нче елгы тикшерүләр планы буенча архив эше өлкәсендә Россия Федерациясе һәм Татарстан Республикасы законнарын бозуны булдырмау һәм киткән бозуларны төзәтү максатыннан Югары һөнәри белем бирү гайре дәүләти оешмасы «ТИСБИ» Идарә университеты»нда планлы тикшерү үткәрелде. Тикшерү нәтиҗәсендә тикшерү акты төзелде, архив эше турындагы законнарның үтәлүендә ачыкланган бозуларны бетерү турында күрсәтмә бирелде.

2014 елның 23 декабрендә Татарстан Республикасы Министрлар Кабинеты каршындагы Баш архив идарәсе коллегиясенең чираттагы утырышы узды. Коллегия утырышында Татарстан Республикасы Министрлар Кабинеты Аппаратының Мәдәният һәм Татарстан Республикасы халыклары телләрен үстерү идарәсенең Татарстан Республикасы халыклары телләрен үстерү секторы мөдире Г. Х. Гыйльманов катнашты. Коллегиядә түбәндәге мәсьәләләр каралды:

2014 елның 15 декабреннән 19 декабренә кадәр Татарстан Республикасы Эш-хезмәт документлары дәүләт архивы тарафыннан 291 мөрәҗәгать кабул ителде. Шәхси рәвештә мөрәҗәгать итүчеләрдән 156 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 101 мөрәҗәгать кабул ителде. Архив хезмәткәрләре тарафыннан 241 архив белешмәсе әзерләнде.

Соңгы вакытта Татарстан Республикасы Милли архивына XIX – XX гасырдагы Казан архитектура корылмалары тарихы белән бәйле мөрәҗәгатьләр саны артты. Мөрәҗәгать итүнең төп максаты – архитектура корылмаларының тарихи кыяфәтен торгызу һәм аларда урнашкан оешмаларның музей экспозицияләрен булдыру. Архивчылар Татарстан Республикасы тарих һәм мәдәният ядкарьләре дип танылган биналар турында тәфсилле белешмәләр хәзерләде. Андыйлар арасында мещан В. А. Дружинина йорты (Зоя Космодемьянская урамы, 2/5), сәүдәгәр А. М. Ямашев йорты (Тукай урамы, 72), коллежский асессор Ф. Е. Смольский йорты (Ульянов-Ленин урамы, 65) һәм башкалар.

– Татарстан Республикасы Министрлар Кабинеты каршындагы Баш архив идарәсе каршындагы Иҗтимагый советның 2015 елга эш планы турында.

2014 елның 18 декабрендә Татбашархивның эксперт-тикшерү һәм методик комиссиясенең чираттагы утырышы узды. Комиссия утырышында Татарстан дәүләт һәм муниципаль архивларының 140 оешма-чыганакларының эш номенклатуралары һәм эш исемлекләре каралды. Шулар арасында Татарстан Республикасы Дәүләт Советы, Татарстан Республикасы Сәнәгать һәм сәүдә министрлыгы, “Ак Барс” Банк Ачык акционерлык җәмгыяте һәм башка оешмаларның документлары бар.

«Гасырлар авазы – Эхо веков» журналының чираттагы саны (2014 ел – № 3/4) дөнья күрде. Номер күренекле төрки-татар мәгърифәтчесе Исмәгыйль Гаспралының үлеменә 100 ел тулуга багышланган. Башка мәкаләләрдә быел башлануына 100 ел тулган Беренче дөнья сугышы дәвере яктыртыла, регионыбызның урта гасырлар, яңа һәм иң яңа чорлар тарихының төрле аспектлары өйрәнелә.