ЯҢАЛЫКЛАР

Татарстан Республикасы Милли архивында җитәкчелек һәм җаваплы хезмәткәрләр киңәшмәсе узды. Киңәшмәдә архивның 2015 елга төп эш юнәлешләре, архив бүлекләренең эш тәртибен оештыру, башкару дисциплинасы мәсьәләләре каралды.

Бүгенге көндә архивта 1876990 нөсхә басма саклана.

«Журнал “Гасырлар авазы – Эхо веков” и его приложения» сәхифәсендә “Гасырлар авазы – Эхо веков” фәнни-документаль журналының (2014 ел. – № 3/4) интернет-версиясе урнаштырылды.

2014 елда Татарстан Республикасы Тарихи-сәяси документлар үзәк дәүләт архивында 916 ижтимагый-хокукый һәм тематик белешмә эшләнде. Шуларның 277 – хезмәт стажы, 180 – хезмәт хакы һәм 129 – әсирлектә булучылар турында. Шулай ук КПСС членнарының һәм КПССның Татарстандагы райкомнарының беренче секретарьларының биографияләре белән бәйле тематик мөрәҗәгатьләр саны да артты.

2014 елда Татарстан Республикасы Милли архивына 15396 саклау берәмлеге тапшырылды. Шулардан 14758 саклау берәмлеге – идарә документлары, 201 саклау берәмлеге – фәнни-техник документлар, 437 – шәхси документлар. Саклануга кабул ителгән материаллар арасында – ТАССРның халык язучысы, СССРның һәм ТАССРның Югары Советлары депутаты, Казан шәһәренең Почетлы граҗданы Гомәр Бәшировның шәхси документлары («Җидегән чишмә» романының, «Гыйбрәт», «Сиваш», «И язмыш, язмыш...» повестьларының кулъязмалары, төрле очрашулардагы чыгышлары, көндәлекләре) бар.

Татбашархив тарафыннан алдан бирелгән архив эше өлкәсендә киткән закон бозуларны төзәтү хакында биргән күрсәтмәләренең үтәлүен күзәтү максатыннан планнан тыш тикшерүләр үткәрелде. «Татарстан Республикасы Сәламәтлек саклау министрлыгының Республика балалар клиник шифаханәсе» Сәламәтлек саклау дәүләт автоном оешмасы һәм «Татарстан Республикасы Җыр һәм бию дәүләт ансамбле» Дәүләт бюджет мәдәният оешмасы тикшерелде. Тикшерүләр нәтиҗәсендә тикшерү актлары төзелде.

2014 елның 26 декабрендә Татарстан Республикасы Эш-хезмәт документлары дәүләт архивының оешуына 20 ел тулуга багышланган тантана узды.

2014 елның декабрендә Татарстан Республикасы Аудиовизуаль документлар үзәк дәүләт архивы директоры С. Н. Горохов hәм архивның баш белгече И. И. Карманов AUDIO DEV DVD PRO CATS комплексын урнаштыру, эшләтү hәм DTD-дисклардагы язмаларның сыйфатын тикшерү тәртибен өйрәнеп кайттылар. Татарстан архивчылары Чехия Республикасы башкаласы Прага шәhәрендә NORTHERN STAR SPOL. S. O. компаниясе заводында тәҗрибә тупладылар. Укулар нәтиҗәсендә архив вәкилләре халыкара сертификатлар алдылар.