Татарстан Республикасының чит илләрдәге һәм Россия Федерациясе субъектларындагы вәкилләр белән ВКС
2025 елның 3 февралендә Татарстан Республикасы архивчылары Татарстан Республикасы Сәнәгать һәм сәүдә министрлыгы тарафыннан чит илләрдәге һәм Россия Федерациясе субъектларындагы Татарстан Республикасы вәкилләре белән видеоконференцэлемтә режимында оештырылган киңәшмәдә катнашты.
Татарстан Республикасы Архив фондын булдыру буенча директор урынбасары - «Татарстан Республикасы Дәүләт архивы» ДБУнең документларны беренчел эшкәртү үзәге җитәкчесе Т.М. Кондратова «Оешмада эш башкаруны алып баруның норматив-методик базасы» дигән доклад белән чыгыш ясады. Үз чыгышында ул даими саклана торган документларның һәм шәхси состав буенча документларның сакланышы эшен оештыру, делолар номенклатурасын төзү һәм документлар кыйммәтлелегенә экспертиза ясау үзенчәлекләре мәсьәләләрен аерым игътибар бирде. Бирелгән тәкъдимнәр Татарстан Республикасы вәкиллекләренең архив эшен системалаштыру буенча эш планын үтәүгә турыдан-туры ярдәм итә.
Архив эше буенча дәүләт комитеты рәисе урынбасары Г.И. Илдарханова-Балчыклы үзенең “Татарстан Республикасы Дәүләт архивында шәхси кагылышлы архив фондларын булдыру турында” докладында уникаль тарихи материалларны саклап калу һәм милли үзенчәлекләрне булдыру өчен шәхси кагылышлы архив фондларының әһәмияте зур булуга игътибарны юнәлтте. Ул ватандашларның шәхси коллекцияләрен булдыру һәм тапшыру тәртибен аңлатты.
Шулай итеп, үткәрелгән киңәшмә ведомствоара хезмәттәшлекнең югары дәрәҗәсен күрсәтеп кенә калмады, бәлки «Татарстан Республикасы вәкиллекләре эшчәнлеген индикатив бәяләү турында» Татарстан Республикасы Министрлар Кабинеты карарын гамәлгә ашыру юлында мөһим адым булды. Киңәшмә барышында каралган мәсьәләләр һәм тәкъдим ителгән докладлар архив эшен системалаштыру, татар халкының мәдәни мирасын саклау һәм Россия Федерациясе төбәкләрендә татар җәмгыятьләре һәм чит илдәге диаспоралар белән хезмәттәшлекне ныгыту өчен ныклы нигез тудыра, бу тарихи хәтерне саклау буенча дәүләт сәясәтенең аерылгысыз бер өлеше булып тора.