ЯҢАЛЫКЛАР
Татарстан тарихы hәм мәдәнияте буенча Татарстан Республикасы Аудиовизуаль документлар үзәк дәүләт архивы кино- һәм видеодокументларын Интернет челтәренең www.vidimax.ru платформасына урнаштыру дәвам итә.
2015 елның беренче яртысында Татарстан Республикасы Эш-хезмәт документлары дәүләт архивына 1967 саклау берәмлеге кабул ителде. Алар 6 фонд тәшкил итте.
Татарстан Республикасы Министрлар Кабинеты каршындагы Баш архив идарәсе әйдәүче консультанты Ч. М. Гыйниятуллина Алабуга муниципаль районы Башкарма комитеты архив бүлегенә командировкага барып кайтты. Татбашархив хезмәткәре муниципаль архивның эшен оештыруда методик һәм гамәли ярдәм күрсәтте.
2015 елның беренче яртысында Татарстан Республикасы Дәүләт матбугат архивы фондына 10590 нөсхә басма продукция керде, шуларның 927 нөсхәсе – китаплар, 9663 нөсхәсе – журналлар, газеталар, сынлы сәнгать әсәрләре, ноталар.
Бүгенге көндә архивта 1 887 580 нөсхә басма саклана.2015 елның 13 июленнән 16 июленә кадәр Татарстан Республикасы Эш-хезмәт документлары дәүләт архивы тарафыннан 292 мөрәҗәгать кабул ителде. Шәхси рәвештә мөрәҗәгать итүчеләрдән 168 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 87 мөрәҗәгать кабул ителде. Архив хезмәткәрләре тарафыннан 236 архив белешмәсе әзерләнде.
Татарстан Республикасы Министрлар Кабинеты каршындагы Баш архив идарәсе белән Мисырның Милли китапханәсе һәм Милли архивы Генераль оешмасы арасында басмалар алмашу кысаларында Татбашархивка Мисыр басмалары килде.