ЯҢАЛЫКЛАР

2015 елның 6 июленнән 10 июленә кадәр Татарстан Республикасы Эш-хезмәт документлары дәүләт архивы тарафыннан 387 мөрәҗәгать кабул ителде. Шәхси рәвештә мөрәҗәгать итүчеләрдән 179 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 136 мөрәҗәгать кабул ителде. Архив хезмәткәрләре тарафыннан 278 архив белешмәсе әзерләнде.

Татарстан Республикасы Министрлар Кабинеты каршындагы Баш архив идарәсе әйдәүче консультанты Ч. М. Гыйниятуллина Муниципаль казна оешмасы “Татарстан Республикасы Түбән Кама муниципаль районы “Муниципаль берәмлеге архивы”на командировкага барып кайтты. Татбашархив хезмәткәре муниципаль архивның эшен оештыруда методик һәм гамәли ярдәм күрсәтте.

Татарстан Республикасы Министрлар Кабинеты каршындагы Баш архив идарәсе һәм Кырым Республикасы Дәүләт архив хезмәте арасында хезмәттәшлек итү турындагы Килешүгә кул куелды.

Килешүдә белгечләрнең стажировкалары, Татарстан һәм Кырым республикалары тарихына караган архив документлары турында мәгълүмат алышу, басмалар һәм документлар копияләрен алмашу, уртак фәнни конференцияләр үткәрү, бергәләп архив документлары басмаларын  хәзерләү һәм уртак документаль күргәзмәләр оештыру каралган.

2015 елның 27 июнендә “Казан” телеканалының “Башкала. Атна нәтиҗәләре” программасында (http://kzn.tv/kzntube/stolica-itogi-nedeli-vypusk-ot-27-ijunja-2015/) казакъ халкы тарихына караган архив документларына багышланган сюжет күрсәтелде. Татарстан Республикасы Милли архивы директоры урынбасары Н. А. Шарангина архив документларына нигезләнеп Татарстан һәм Казакъстан халыкларының тарихи багланышлары турында сөйләде.