ЯҢАЛЫКЛАР

– дәүләт граждан хезмәткәрләренең бүтән түләүле эш башкару нияте хакында хәбәр итү турында.

Татбашархивның 2015 нче елгы тикшерүләр планы буенча Татарстан Республикасы Мамадыш муниципаль районы Башкарма комитеты архив бүлегендә тикшерү үткәрелде. Тикшерү нәтиҗәсендә акт төзелде. Архив эше турындагы законнарның үтәлүендә бозулар табылмады.

2015 елның 25 июнендә Татарстан Республикасы Министрлар Кабинеты каршындагы Баш архив идарәсе җитәкчесе каршындагы Коррупциягә каршы тору комиссиясе утырышы узды. Утырышта Татарстан Республикасы Министрлар Кабинеты каршындагы Баш архив идарәсендә норматив хокукый актларның һәм норматив хокукый актлар проектларының коррупциягә каршы экспертизаларын үткәрү торышы, бюджет акчаларын тоту һәм 2015 елның II кварталына дәүләт заказын урнаштыру турында мәгълүмат, Интернет челтәрен исәпкә кертеп массакүләм мәгълүмат чараларында, гражданнарның һәм юридик шәхесләрнең мөрәҗәгатьләрендә Татарстан Республикасы Министрлар Кабинеты каршындагы Баш архив идарәсе вазифалары даирәсендә хезмәт итүчеләрнең эшчәнлегендә коррупцион күренешләр турындагы мәгълүматка мониторинг һәм башка мәсьәләләр каралды.

Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов чарада катнашучыларга Татарстан дәүләт архивларында сакланучы Беренче дөнья сугышы тарихына караган документлар һәм республика архивчыларының аларны фәнни һәм иҗтимагый әйләнешкә кертү юнәлешендә башкарган эшләре турында сөйләде.

Татарстан Республикасы Милли архивында Вера Владимировнаның Панаевлар борынгы дворян нәселеннән булуы, Санкт-Петербургта Изге Екатерина ордены уку йортында белем алуы һәм Л. П. Толстой белән никахлашуы турында документлар саклана. Табылган мәгьлүмат “Ясная Поляна” Музей-утарына җибәрелде.

«Гасырлар авазы – Эхо веков» журналының чираттагы саны (2015 ел – № 1/2) дөнья күрде. Номер Бөек Ватан сугышында Җиңүнең 70 еллыгына багышланган. Чыгарылышка шулай ук Татарстан АССР оешуының 95 еллыгына, Әдәбият елына, Идел буеның урта гасырлар, яңа һәм иң яңа чорлар тарихының төрле аспектларын яктырткан мәкаләләр керде. Мәкалә авторлары – Россия, Азәрбайҗан, Украина галимнәре һәм архивчылары.

Татарстан Республикасы Тарихи-сәяси документлар үзәк дәүләт архивында эксперт-методик комиссиянең утырышы узды. Комиссия утырышында Россия электрон сәнәгать хезмәткәрләре профсоюзы Татарстан Республикасы оешмасының даими сакланучы документларын хисапка алу исемлекләре, “Татарстан – Новый век” – “Татарстан – Яңа гасыр” Республика иҗтимагый хәрәкәтенең фотодокументларын хисапка алу исемлеге һәм социология фәннәре докторы, Аналитик тикшеренүләр һәм тирәнтен өйрәнү үзәге директоры, Татарстан Республикасы Рус мәдәнияте җәмгыятенең рәисе А. Л. Салагаевның шәхси фонды документларының хисапка алу исемлеге каралды.