ЯҢАЛЫКЛАР

“Татарстан Республикасы архив хезмәте” сайтының Татарстан Республикасы Дәүләт матбугат архивы сәхифәсенә “Экстремизмга – Юк!” темасына кагылышлы китаплар һәм газета-журналларда басылган мәкаләләрнең библиографик күрсәткече урнаштырылды. Күрсәткеч 116 язманы үз эченә ала.

2015 елның 1 сентябреннән 4 сентябренә кадәр Татарстан Республикасы Эш-хезмәт документлары дәүләт архивы тарафыннан 220 мөрәҗәгать кабул ителде. Шәхси рәвештә мөрәҗәгать итүчеләрдән 147 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 55 мөрәҗәгать кабул ителде. Архив хезмәткәрләре тарафыннан 259 архив белешмәсе әзерләнде.

2015 елның 4 сентябрендә Татбашархивның эксперт-тикшерү һәм методик комиссиясенең чираттагы утырышы узды. Комиссия утырышында дәүләт һәм муниципаль архивларының 77 оешма-чыганакларының эш номенклатуралары һәм документларны хисапка алу исемлекләре каралды. Шулар арасында Татарстан Республикасы Мәгълүматлаштыру һәм элемтә министрлыгы, Татарстан Республикасы Югары суды һәм башка оешмаларның документлары бар.

Утырышта түбәндәге мәсьәләләр каралды:
– Татарстан Республикасы Милли архивында фәнни басмалар хәзерләүнең 2016-2017 нче елларга перспективалары;
– план буенча документларның барлыгын һәм саклану халәтен, архивсаклагычларындагы документларны бирү кенәгәләрен цикллап тикшерү эшенең торышы;
– III кварталда архив эш планының үтәлеше.
Утырышта документларны барлыгын һәм саклану халәтен тикшерү эшен камилләштерү, 2016-2017 нче елларга документларның җыентыкларын хәзерләү планы каралды. Татбашархив каршындагы Фәнни-консультатив советында тикшерелү өчен “1917 ел Октябрь революциясе” (100 еллыгы уңаеннан), “1897 елгы Беренче Бөтенроссия халык санын исәпкә алу” (120 еллыгы уңаеннан), “Кытай белән мөнәсәбәтләр” (Казан университеты һәм Казан руханилар академиясе фондларындагы документлар нигезендә) дигән темаларга җыентыкларның концепцияләрен тәкъдим итәргә карар бирелде.

Татарстан Республикасы Милли архивына беренче тапкыр Федераль арбитраж суды Идел буе округының 1995-1999 нчы елгы һәм “Республика туберкулезга каршы клиник диспансеры” дәүләт автоном сәламәтлек саклау учреждениесенең 1958-2004 нче елгы документлары тапшырылды. Даими саклауга кабул ителгән документлар арасында – орган һәм оешманың төп эшчәнлекләренә караган боерыклар, штат расписаниеләре, бухгалтерия һәм статистика хисаплары, утырыш беркетмәләре, Арбитраж суды Президиумы карарлары һ.б.

2015 елның 24 августыннан 28 августына кадәр Татарстан Республикасы Эш-хезмәт документлары дәүләт архивы тарафыннан 330 мөрәҗәгать кабул ителде. Шәхси рәвештә мөрәҗәгать итүчеләрдән 162 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 139 мөрәҗәгать кабул ителде. Архив хезмәткәрләре тарафыннан 255 архив белешмәсе әзерләнде.

Татарстан Республикасы Көнен билгеләп үтү чаралары кысаларында ТР Милли архивы, ТР Тарихи-сәяси документлар үзәк дәүләт архивы һәм ТР Аудиовизуаль документлар үзәк дәүләт архивы республика үсешенә зур өлеш керткән җитәкчеләрнең фоторәсемнәреннән слайд-шоу әзерләүдә катнаштылар. Бөтендөнья татар конгрессы Башкарма комитеты фондыннан, партия һәм совет эшлеклеләренең документлары коллекциясеннән, Татарстан Республикасы Милли архивының фотодокументлар коллекциясеннән һәм башка тупламнардан илледән артык фоторәсем барланды. Документларның копияләре чараны оештыручыларга тапшырылды.

Татарстан Республикасы Милли архивы Татарстан Республикасы Мәдәният министрлыгыннан 1934-2004 елларга караган мәдәни-агарту оешмалары җитәкчеләренең һәм район мәдәният бүлекләре мөдирләренең, гражданнар һәм Бөек Ватан сугышларында катнашучыларның, республика атказанган мәдәният хезмәткәрләренең шәхси документлары даими саклауга кабул итте. Н.Э.Бауман исемендәге Казан дәүләт ветеринария медицинасы академиясеннән 1982-1999 еллардагы фәнни-тикшеренү эшләренә караган документлар кабул ителде.