Татарстан Республикасы Дәүләт комитетлары Татарстан Республикасының Архив эше буенча дәүләт комитеты

ЯҢАЛЫКЛАР

август, 2015 ел

чәршәмбе

Архивчылар Муса Җәлилне искә алу көнендә катнаштылар

Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов һәм Татарстан Республикасы Тарихи-сәяси документлар үзәк дәүләт архивы директоры В. Г. Хәмидуллина “Идел-Урал” легионы язмышы турында “Гафу ителмәгәннәр сугышы” исемле документаль фильмын тәкъдим итүдә катнаштылар. Тәкъдим итү чарасы Муса Җәлилнең музей-фатирында узды, ул герой шагыйрьне искә алуга багышланган иде.

август, 2015 ел

сишәмбе

Татарстан Республикасы Эш-хезмәт документлары дәүләт архивы хәбәр итә

2015 елның 17 августыннан 21 августына кадәр Татарстан Республикасы Эш-хезмәт документлары дәүләт архивы тарафыннан 372 мөрәҗәгать кабул ителде. Шәхси рәвештә мөрәҗәгать итүчеләрдән 206 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 104 мөрәҗәгать кабул ителде. Архив хезмәткәрләре тарафыннан 359 архив белешмәсе әзерләнде.

август, 2015 ел

дүшәмбе

Татбашархивның бүлек җитәкчесе командировкага барып кайтты

Татарстан Республикасы Министрлар Кабинеты каршындагы Баш архив идарәсе дәүләт һәм муниципаль архивлар белән хезмәттәшлек итү бүлеге җитәкчесе Г. С. Садретдинова Тәтеш муниципаль районы Башкарма комитеты архив бүлегенә командировкага барып кайтты. Архив бүлегенең эшен оештыруда методик һәм гамәли ярдәм күрсәтелде.

август, 2015 ел

җомга

Татарстан Республикасы Тарихи-сәяси документлар үзәк дәүләт архивы конференциядә катнашты

Татарстан Республикасы Тарихи-сәяси документлар үзәк дәүләт архивы Чуаш Республикасы Хәзерге заман тарихы дәүләт архивының 80 еллык юбилее уңаеннан 2015 елның 20 августында Чабаксар шәһәрендә уздырылган “Архивлар бүген: нәтиҗәләр һәм киләчәкләре” Төбәкара фәнни-практик конференциясендә катнашты. Архивның директор урынбасары Р. Б. Садыйкова “Татарстан Республикасы Тарихи-сәяси документлар үзәк дәүләт архивының хәзерге чордагы эшчәнлеге” темасына чыгыш ясады.

август, 2015 ел

пәнҗешәмбе

Татарстан Республикасы Дәүләт матбугат архивы хәбәр итә

“Татарстан Республикасы архив хезмәте” сайтының Татарстан Республикасы Дәүләт матбугат архивы сәхифәсенә «Татарстан Республикасы матбугат елъязмасы» библиографик күрсәткеченең 2015 нче елгы 1 нче санының интернет-версиясе урнаштырылды. Күрсәткеч төрле теманы яктырткан 5601 язманы үз эченә ала.

август, 2015 ел

чәршәмбе

Татарстан Республикасы Аудиовизуаль документлар үзәк дәүләт архивына Татарстанның күренекле шәхесләре белән биографик әңгәмәләр тапшырылды

“Киносодружество” Җаваплылыгы чикләнгән җәмгыяте һәм Татарстан Республикасы Министрлар Кабинеты каршындагы Баш архив идарәсенең уртак проектын тормышка ашыру кысаларында Татарстан Республикасы Аудиовизуаль документлар үзәк дәүләт архивына Татарстанның күренекле шәхесләре белән әңгәмәләрнең видеоязмаларын саклауга тапшыру дәвам итә. Август аенда тарихчы, җәмәгать эшлеклесе, Татарстан Республикасы Фәннәр академиясе академигы Индус Ризак улы Таhиров, Советлар Союзы Герое, Бөек Ватан сугышы ветераны, җәмәгать эшлеклесе Борис Кириллович Кузнецов hәм Арча районы “Искра” колхозының элекке рәисе Фәйзи Әхмәт улы Галиев белән әңгәмәләрнең видеоязмалары тапшырылды.

2015 ел ахырына кадәр архивка башка күренекле якташларыбыз турындагы материаллар да тапшырылыр дип көтелә.

август, 2015 ел

сишәмбе

Татарстан Республикасы Эш-хезмәт документлары дәүләт архивы хәбәр итә

2015 елның 10 августыннан 14 августына кадәр Татарстан Республикасы Эш-хезмәт документлары дәүләт архивы тарафыннан 365 мөрәҗәгать кабул ителде. Шәхси рәвештә мөрәҗәгать итүчеләрдән 165 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 148 мөрәҗәгать кабул ителде. Архив хезмәткәрләре тарафыннан 354 архив белешмәсе әзерләнде.

август, 2015 ел

дүшәмбе

Татарстан Республикасы Милли архивына журналист Б. Р. Милицынның шәхси документлары кабул ителде

Татарстан Республикасы Милли архивына журналист, халыкара мәсьәләләр буенча лектор, Татарстан Республикасы Журналистлар берлеге әгъзасы Борис Рафаилович Милицынның документлары дәүләт саклавына кабул ителде.

Архивка Б. Р. Милицынның мәкаләләре, аның бүләк ителеп бирелгән язмалы китаплары, туганнарының документлары һәм фоторәсемнәре тапшырылды.

август, 2015 ел

җомга

Татар халкы һәм Татарстан Республикасы дәүләтчелеге тарихы музеена архив документларының күчермәләре тапшырылды

Татарстан Республикасы Тарихи-сәяси документлар үзәк дәүләт архивы “Казан Кремле” дәүләт тарих-архитектура һәм сәнгать музей-тыюлыгының Татар халкы һәм Татарстан Республикасы дәүләтчелеге тарихы музее өчен йөздән артык архив документларының электрон күчермәләрен әзерләп бирде. Тапшырылган материаллар арасында –Шәрекъ халыклары коммунистик оешмалары II Бөтенроссия съездының Татар-Башкорт җөмһүриятен төзү турында кабул иткән резолюциясе, Татарстан АССР турындагы Кагыйдәнамә проекты, партия җыелышлары һәм конференцияләре карарлары, фотодокументлар.

август, 2015 ел

пәнҗешәмбе

Татарстан архивчылары үткәргән тарихи-агарту укулар турындагы мәгълүмат «Архивные ведомости» газетасында басылып чыкты

Свердловск өлкәсе архивчылары нәшер итә торган “Архив хәбәрләре” газетасының 2015 елның 6 нчы санында Татарстан Республикасы Министрлар Кабинеты каршындагы Баш архив идарәсендә май аенда Җиңүнең 70 еллыгына багышлап «Бөек Ватан сугышы турында Татарстан архивлары» темасына тарихи-агарту укулар уздырылуы турында мәкалә басылып чыкты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ