ЯҢАЛЫКЛАР

Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов 2015 елның 21-23 сентябрендә Федераль архив агентлыгы каршындагы Архив эше буенча совет утырышында катнашты. Утырыш Ярославль шәһәрендә узды. Советта Россия Федерациясенең архив эше өлкәсендәге законнарын камилләштерү мәсьәләләре каралды.
Архив эше буенча совет кысаларында Россия тарихчы-архивчылар җәмгыяте алтынчы чакырылыш Үзәк советының III Пленумы узды.

“Татарстан Республикасы Министрлар Кабинеты каршындагы Баш архив идарәсе” сайтының “Кадрлар сәясәте” бүлегендәге “Вакансияләр” бүлекчәсенә Татбашархивтагы вакансияләр исемлеге урнаштырылды.

2015 елның 14 сентябреннән 18 сентябренә кадәр Татарстан Республикасы Эш-хезмәт документлары дәүләт архивы тарафыннан 345 мөрәҗәгать кабул ителде. Шәхси рәвештә мөрәҗәгать итүчеләрдән 141 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 129 мөрәҗәгать кабул ителде. Архив хезмәткәрләре тарафыннан 260 архив белешмәсе әзерләнде.

Архив хезмәткәрләре Казанның 7 нче гимназиясе укучылары тарафыннан Казанны саклау корылмалары (1941 елның ахырында Казанны фашист немец гаскәрләре һөҗүменнән саклау максатыннан төзелгән ныгытмалар системасы) музеенда үткәрелгән ачык дәрестә катнаштылар. Бөек Ватан сугышында Җиңүнең 70 еллыгы уңаеннан гимназиядә ачылган музейның экспозициясендә Татарстан Республикасы Милли архивы һәм Татарстан Республикасы Тарихи-сәяси документлар үзәк дәүләт архивы документлары файдаланылды.

Татарстан Республикасы Милли архивы Татарстан Республикасы Президенты Р. Н. Миңнехановның инаугурациясе уңае белән оештырылган “Хакимият символлары” күргәзмәсен әзерләүдә катнашты. Архив биргән документлар арасында –Татарстан АССР төзелү турында 1920 елның 27 маенда кабул ителгән Декрет, Татарстан ССРның дәүләт суверенитеты турында 1990 елның 30 августында кабул ителгән Декларация, “Татарстан ССР Президентын сайлау турында” 1991 елның 13 маенда кабул ителгән закон.

2015 елның 11 сентябрендә Татарстан Республикасы Аудиовизуаль документлар үзәк дәүләт архивы директоры С. Н. Горохов Ульяновск шәhәрендә узган “Креатив регион – көчле ил” дип аталган V Халыкара мәдәни форумда катнашты. Форум кысаларында С. Н. Горохов “Заманча архив учреждениесе төзелеше: идарә итү структурасы hәм үсешенең төп юнәлешләре” дигән семинар-тренингта катнашты. Семинарда ул “Татарстан Республикасы Аудиовизуаль документлар үзәк дәүләт архивы: проблемалар һәм перспективалар” темасына чыгыш ясады.

Татарстан Республикасы Министрлар Кабинеты каршындагы Баш архив идарәсе җитәкчесе Д. И. Ибраһимов, Татбашархив җитәкчесе урынбасары Р. Ә. Шәйхетдинова һәм Татарстан Республикасы Аудиовизуаль документлар үзәк дәүләт архивы директоры С. Н. Горохов Идел буе федераль округы архив оешмаларының фәнни-методик советы эшендә катнаштылар. Фәнни-методик совет утырышы 2015 елның 9-10 сентябрендә Мордовия Республикасы башкаласы Саранск шәһәрендә үтте. Татарстан архивчыларыннан Р. Ә. Шәйхетдинова «Бүгенге шартларда дәүләт архивлары документларының секретлыгын бетерү проблемалары турында» дигән темага доклад ясады. Р. Ә. Шәйхетдинова шулай ук «Фәнни һәм иҗтимагый советларның беренче этаптагы эшчәнлекләре анализы» түгәрәк өстәлендә Татбашархив каршындагы Иҗтимагый совет эшчәнлеге тәҗрибәсе турында сөйләде.

2015 елның 7 сентябреннән 11 сентябренә кадәр Татарстан Республикасы Эш-хезмәт документлары дәүләт архивы тарафыннан 277 мөрәҗәгать кабул ителде. Шәхси рәвештә мөрәҗәгать итүчеләрдән 147 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 89 мөрәҗәгать кабул ителде. Архив хезмәткәрләре тарафыннан 235 архив белешмәсе әзерләнде.

“Татарстан Республикасы архив хезмәте” сайтының Татарстан Республикасы Милли архивы сәхифәсендәге “Күргәзмәләр” бүлегенә язучы, Татарстан АССРның атказанган фән һәм техника эшлеклесе Җәвад Әфтахетдин улы Тәрҗемановның (1920-1995) тормышына һәм эшчәнлегенә багышланган документаль күргәзмә урнаштырылды.
Россиядә үтүче Әдәбият елы кысаларында әзерләнгән әлеге күргәзмәдә әдип тормышының төп этапларын яктырткан егермедән артык документ тәкъдим ителә, шулар арасында – Җәвад Тәрҗемановның кулъязмалары, фоторәсемнәре, укытуы турындагы материаллар.

“Татарстан Республикасы архив хезмәте” сайтының Татарстан Республикасы Тарихи-сәяси документлар үзәк дәүләт архивы сәхифәсендәге “Күргәзмәләр” бүлегенә тарих фәннәре докторы, Татарстан АССР һәм Россия Федерациясе атказанган мәдәният хезмәткәре, Фән һәм техника өлкәсендә Татарстан Республикасы Дәүләт премиясе лауреаты, 1993-2005 елларда Татарстан Республикасы Министрлар Кабинеты каршындагы Баш архив идарәсе җитәкчесе, 1995-2013 елларда “Гасырлар авазы – Эхо веков” журналы баш редакторы булган Дамир Рәүф улы Шәрәфетдиновның тууына 75 ел тулуга багышланган документаль күргәзмә урнаштырылды.