ЯҢАЛЫКЛАР

2015 елның 25 маеннан 29 маена кадәр Татарстан Республикасы Эш-хезмәт документлары дәүләт архивы тарафыннан 338 мөрәҗәгать кабул ителде. Шәхси рәвештә мөрәҗәгать итүчеләрдән 156 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 147 мөрәҗәгать кабул ителде. Архив хезмәткәрләре тарафыннан 305 архив белешмәсе әзерләнде.

“Татарстан Республикасы архив хезмәте” сайтының Татарстан Республикасы Милли архивы сәхифәсендәге “Күргәзмәләр” бүлегенә Татарстан АССР оешуга 95 ел тулуга багышланган документлар күргәзмәсе урнаштырылды. Күргәзмәдә 1920 елның 27 маенда кул куелган “Автономияле Татар Совет Социалистик Республикасы турында” Бөтенроссия Үзәк Башкарма Комитеты Декреты, 1920 елның 28 июнендә үткәрелгән Татарстан АССР Революцион комитеты утырышының беренче протоколы һәм башка документлар тәкъдим ителә.

2015 елның 28 нче маенда Татарстан Республикасы Министрлар Кабинеты каршындагы Баш архив идарәсе каршындагы Иҗтимагый советның чираттагы утырышы узды. Утырышта түбәндәге мәсьәләләр каралды:
– Татарстан Республикасы Министрлар Кабинеты каршындагы Баш архив идарәсендә Татарстан Республикасы дәүләт граждан хезмәте вазифаларын биләүче затларның һәм аларның гаилә әгъзаларының керемнәре, мөлкәте һәм мөлкәти характердагы йөкләмәләре турында мәгълүмат тапшыру турында;
– 1941-1945 еллардагы Бөек Ватан сугышында Җиңүнең 70 еллыгына багышланган чаралар планын гамәлгә ашыру турында.

2015 елның 24 маенда Славян язуы һәм мәдәнияте көненә багышлап “Татарстан” Дәүләт телерадиокомпаниясенең “Идел белән Урал арасында” радиожурналында (http://radiotatarstana.ru/ru/24-maya-mezhdu-volgojj-i-uralom/) Татарстан Республикасы Милли архивы бүлек җитәкчесе, тарих фәннәре кандидаты Л. О. Кузнецова белән әңгәмә булды. Ул архивта сакланучы славян язма ядкарьләре турында сөйләде.
26 майда “Татарстан” Дәүләт телерадиокомпаниясендә Татарстан АССР оешуга 95 ел һәм Татарстан Республикасының яңа дәүләтчелегенә 25 ел тулуга багышланган “Депутат каналы” радиотапшыруында (http://radiotatarstana.ru/ru/26-maya-deputatskijj-kanal/) Татарстан Республикасы Милли архивында сакланучы республикабыз дәүләтчеге тарихына караган документлар турында мәгълүмат бирелде. Алар арасында 1920 елның 27 маенда кул куелган “Автономияле Татар Совет Социалистик Республикасы турында” Бөтенроссия Үзәк Башкарма Комитеты Декреты, республиканың үсешен оештыру мәсьәләләрен чагылдырган Татарстан АССР Революцион комитеты утырышының беренче протоколы, ТАССРның административ-территориаль бүленеше һәм республика чикләрен билгеләү белән бәйле бәхәсләрне җайга салу уңаеннан кабул ителгән документлар.

2015 елның 26 маенда Татбашархивның эксперт-тикшерү һәм методик комиссиясенең чираттагы утырышы узды. Комиссия утырышында дәүләт һәм муниципаль архивларның 66 оешма-чыганакларының эш номенклатуралары һәм документларны хисапка алу исемлекләре каралды. Шулар арасында Татарстан Республикасы Мәдәният министрлыгы, “Спартак” аяк киеме фабрикасы” Ачык акционерлык җәмгыяте һәм башка оешмаларның документлары бар.

2015 елның 18 маеннан 22 маена кадәр Татарстан Республикасы Эш-хезмәт документлары дәүләт архивы тарафыннан 391 мөрәҗәгать кабул ителде. Шәхси рәвештә мөрәҗәгать итүчеләрдән 224 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 74 мөрәҗәгать кабул ителде. Архив хезмәткәрләре тарафыннан 365 архив белешмәсе әзерләнде.

Татарстан Республикасы Дәүләт матбугат архивы хезмәткәрләре Казан дәүләт мәдәният һәм сәнгать университетының информацион хезмәт күрсәтү һәм медиатехнологияләр факультеты студентлары өчен дәрес үткәрделәр. Дәрес барышында студентлар Татарстан Республикасы матбугат елъязмасының 2010-2014 елгы саннары белән таныштылар.

«Гасырлар авазы – Эхо веков» фәнни-документаль журналының баш мөхәррире урынбасары Г. Э. Рәфыйкова 2015 елның 15-16 маенда Истанбул шәһәрендә Кырым татарларын сөргенгә җибәрелүенең 71 еллыгына багышланган «Кырым, сөрген һәм Исмәгыйль Гаспралы» исемле халыкара конгресста катнашты. Форумны Истанбул университеты оештырган иде.
Г. Э. Рәфыйкова «Татарстан Республикасы Милли архивында Исмәгыйль Гаспралы һәм аның даирәсе турында материаллар» темасына чыгыш ясады.

2015 елның 20 маенда Татарстан Республикасы Милли архивы дирекциясе утырышы узды. Утырышта түбәндәге мәсьәләләр каралды:
- уникаль документларның федераль һәм республика реестрына кертү өчен архив фондларыннан уникаль документларны барлау;
- Татарстан Республикасы Милли архивы документларының фәнни-белешмә аппаратын Интернет челтәренә урнаштыру;

“Татарстан Республикасы архив хезмәте” сайтының Татарстан Республикасы Тарихи-сәяси документлар үзәк дәүләт архивы сәхифәсендәге “Күргәзмәләр” бүлегенә татар шагыйре Әхмәт Исхакның (Исхаков Әхмәт Габдулла улы) тууына 110 ел тулуга багышланган документлар күргәзмәсе урнаштырылды.