ЯҢАЛЫКЛАР

2015 елның 17 апрелендә Татарстан Республикасы муниципаль архивларының җитәкчеләре һәм хезмәткәрләре өчен муниципаль архивларның эш-кәгазьләрен хисапка алуны камилләштерүгә, “Архив фонды” мәгълүмат базасын гамәлгә кертү нәтиҗәләренә багышланган укыту семинары булып узды. Семинар кысаларында «ТД «Ваш архив» Җаваплылыгы чикләнгән җәмгыятьнең (Санкт-Петербург шәһәре) архив эше өлкәсендәге тикшеренүләре тәкъдим ителде. Шулай ук Татарстан Республикасы муниципаль архивларының Бөек Ватан сугышындагы Җиңүнең 70 еллыгына багышланган документларның Интернет челтәрендә урнаштыруга хәзерләнгән архивара күргәзмәсе буенча фикер алышу булды.

2015 елның 16 апрелендә Татарстан Республикасы Милли архивы һәм Татарстан Республикасы Тарихи-сәяси документлар үзәк дәүләт архивы Бөек Ватан сугышындагы Җиңүнең 70 еллыгына багышланган «Бөек Ватан сугышы турындагы тарихи хәтерне саклап калуда проблемалар һәм аларны хәл итү» Бөтенроссия фәнни-гамәли конференциясендә катнаштылар.
Түбән Новгород дәүләт архитектура-төзелеш университеты һәм Түбән Новгород өлкәсе Иҗтимагый-сәяси дәүләт архивы тарафыннан оештырылган бу конференциядә «Казан – 1941-1945 еллар Бөек Ватан сугышы чорында самолет төзү үзәкләреннән берсе (Татарстан Республикасы Милли архивы документлары буенча)» темасына Татарстан Республикасы Милли архивы директоры урынбасары Н. Д. Нерозникова чыгыш ясады. Татарстан Республикасы Тарихи-сәяси документлар үзәк дәүләт архивы директоры урынбасары Р. Б. Садыйкова «Бөек Ватан сугышы турындагы документлардан файдаланып балаларга һәм яшьләргә патриотик тәрбия бирү» темасына чыгыш ясады.

Татарстан АССР оешуына 95 ел тулу hәм Татарстан Республикасының яңа дәүләтчелегенә 25 ел тулу уңае белән Татарстан Республикасы Министрлар Кабинеты каршындагы Баш архив идарәсе hәм “Видимакс” Җаваплылыгы чикләнгән җәмгыять (Мәскәү) арасындагы лицензион килешү нигезендә vidimax.ru платформасының “Кино” hәм “ТВ” бүлекләренә Татарстан тарихы буенча Татарстан Республикасы Аудиовизуаль документлар үзәк дәүләт архивы фондларында сакланучы кинохроникаларны урнаштыру башланды.

Архив тарафыннан Г. Тукай белән бәйле документларның төп нөсхәләре тәкъдим ителде. Шулар арасында Г. Тукайның 1886 елда Казан губернасы Казан өязе Кушлавыч авылында тууы турында метрика язуы, шагыйрьнең беренче татар актрисасы Сахибҗамал Гыйззәтуллина-Волжскаяга багышлап 1909 елда язган «Ике кояш» шигыренең автографы, Г. Тукай шигырьләре җыентыгына 1911 елда Казан жандармериясе тарафыннан арест салынуы турындагы документлар бар.

“Татарстан Республикасы архив хезмәте” сайтының Татарстан Республикасы Милли архивы сәхифәсендәге «1941-1945 еллар Бөек Ватан сугышындагы Җиңүнең 70 еллыгына» бүлегенә “1941-1945 еллар Бөек Ватан сугышындагы Җиңүгә Татарстан халкының керткән өлеше” дип исемләнгән күргәзмә урнаштырылды.
Күргәзмәдә күрсәтелгән документлар республикабыз эшчәннәренең Бөек Җиңүне якынайтуга, фронтка ярдәм итүгә юнәлдерелгән батырларча хезмәте турында сөйли.

“Татарстан Республикасы архив хезмәте” сайтының Татарстан Республикасы Дәүләт матбугат архивы сәхифәсендә 1941 – 1945 еллардагы Бөек Ватан сугышында Җиңүгә багышланган китаплар һәм гәҗит-журнал мәкаләләренең библиографик күрсәткече урнаштырылды. 1945–2015 елларны үз эченә алган күрсәткеч шушы теманы яктырткан 5961 язмадан гыйбарәт.

Татарстан Республикасы Милли архивында Казан дәүләт архитектура-төзелеш университеты Архитектура һәм дизайн институтының Архитектура факультетында “Архитектура мирасын торгызу һәм реставрацияләү” белгечлеген өйрәнүче студентларга дәрес үткәрелде.
Студентлар уникаль һәм кыйммәтле документлар, шул исәптән, Казандагы йортларның план-сызымнары, шулай ук архивның фәнни-белешмә аппараты, документлар саклау режимы белән таныштылар. Студентларга архивсаклагыч буенча экскурсия оештырылды.

2015 елның 6 апреленнән 10 апреленә кадәр Татарстан Республикасы Эш-хезмәт документлары дәүләт архивы тарафыннан 343 мөрәҗәгать кабул ителде. Шәхси рәвештә мөрәҗәгать итүчеләрдән 185 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 107 мөрәҗәгать кабул ителде. Архив хезмәткәрләре тарафыннан 371 архив белешмәсе әзерләнде.

Татарстан Республикасы Милли архивы сәхифәсенең «1941-1945 еллар Бөек Ватан сугышындагы Җиңүнең 70 еллыгына» бүлегенә «Сталинградка ярдәм» исемле документлар виртуаль күргәзмәсе урнаштырылды. Күргәзмәгә җимерелгән шәһәрне торгызуда татарстанлыларның туганнарча ярдәмнәрен күрсәткән документлар куелды.

Практика вакытында студентлар архив документларын эзләү ысулларын өйрәнәләр, архивның фәнни-белешмә аппараты (Татарстан Милли архивы күрсәткече, документларны хисапка алу исемлекләре, каталог, мәгълүмат базалары) белән танышалар.