ЯҢАЛЫКЛАР
2014 елның 24 ноябреннән 28 ноябренә кадәр Татарстан Республикасы Эш-хезмәт документлары дәүләт архивы тарафыннан 330 мөрәҗәгать кабул ителде. Шәхси рәвештә мөрәҗәгать итүчеләрдән 179 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 90 мөрәҗәгать кабул ителде. Архив хезмәткәрләре тарафыннан 314 архив белешмәсе әзерләнде.
Татбашархивның 2014 нче елгы тикшерүләр планы буенча архив эше өлкәсендә Россия Федерациясе һәм Татарстан Республикасы законнарын бозуны булдырмау һәм киткән бозуларны бетерү максатыннан Казан шәһәре муниципаль берәмлеге Башкарма комитетының Мәгариф идарәсендә планлы тикшерү үткәрелде.
2014 елның 26 ноябрендә Татарстан Республикасының Аудиовизуаль документлар үзәк дәүләт архивы директоры С. Н. Горохов Пермь крае архивчыларының “Ачык җәмгыятькә – ачык архивлар” дип исемләнгән Икенче форумында катнашты. Форумда архив документларын туплау, аларның исәпкә алынуларын hәм сакланышларын тәэмин итү, документлардан файдалану, архив оешмаларында заманча технологияләрне куллану кебек актуаль проблемалар турында фикер алышу булды.
Татарстан Республикасы Милли архивы директор урынбасары Нерозникова Н.Д. һәм Татарстан Республикасы Милли архивының архив технологияләрен автоматлаштыру бүлеге җитәкчесе Спирюхина Н.А. 18-19 ноябрьдә Мәскәү шәһәрендә үткәрелгән «Информацион җәмгыятьтә документлар: идарәне норматив-методик документлар белән тәкъмин итү» XXI Халыкара фәнни-практик конференциядә катнашты.
2014 елның 17 ноябреннән 21 ноябренә кадәр Татарстан Республикасы Эш-хезмәт документлары дәүләт архивы тарафыннан 342 мөрәҗәгать кабул ителде. Шәхси рәвештә мөрәҗәгать итүчеләрдән 208 иҗтимагый-хокукый эчтәлекле гариза, Россия Пенсия фонды бүлекләреннән электрон рәвештә 97 мөрәҗәгать кабул ителде. Архив хезмәткәрләре тарафыннан 251 архив белешмәсе әзерләнде.
Татарстан Республикасы Тарихи-сәяси документлар үзәк дәүләт архивында Казан федераль университетының Халыкара мөнәсәбәтләр, тарих һәм Көнчыгышны өйрәнү институтында “тарих” белгечлеге буенча укучы III курс студентлары архив практикасын уза.
2014 елның 20 ноябрендә Татбашархив каршындагы Фәнни-консультатив советның чираттагы утырышы узды.
Татбашархивның архив документларын гыйльми файдалану һәм халыкара элемтәләр секторы мөдире И. А. Мөстәкыймов Россия фәннәр академиясе Шәрык кулъязмалары институтында (Санкт-Петербург) булып кайтты. Институтта ул татар халкы тарихына караган XVI – XIХ гасыр чыганакларын – тарихи хезмәтләрне һәм документларны өйрәнде.