ЯҢАЛЫКЛАР
“Татарстан Республикасы архивлары” порталында “Татарстан Автономияле Совет Социалистик Республикасының 100 еллыгы” бүлеге тулыландырылды. Бүлектә 1921-1923 елларда Татарстан АССРның үсешен чагылдырган Татарстан Республикасы Дәүләт архивында сакланучы документлар исемлеге урнаштырылды.
«Гасырлар авазы – Эхо веков» фәнни-документаль журналының чираттагы саны (2017 ел - № 1/2) басылып чыкты.
“Татарстан Республикасы архивлары” порталына кинорежиссер, Татарстан Республикасының атказанган мәдәният эшлеклесе Николай Алексеевич Морозовның тууына 70 ел тулуга багышланган документаль күргәзмә урнаштырылды.
“Татарстан Республикасы архивлары” порталына РСФСР мәктәбе атказанган укытучысы З. Д. Гомәрева тууына 90 ел тулуга багышланган документаль күргәзмә урнаштырылды.
“Татарстан Республикасы архивлары” порталына “I Бөтендөнья татар конгрессының 25 еллыгына” исемле документаль күргәзмә урнаштырылды. Экспозициядә Татарстан Республикасы Дәүләт архивында сакланучы документлар тәкъдим ителә. Алар арасында программалар, килешүләр, отчетлар, хатлар, белешмәләр, карарлар, басмалар, фоторәсемнәр һәм башка документлар бар. Документлар бу төбәкара иҗтимагый оешманың күп төрле һәм бай эшчәнлеге турында сөйлиләр.
Татарстан Республикасы архив хезмәте вәкилләре Татарстан Республикасының архив эше буенча дәүләт комитеты рәисе И. Х. Әюпова Идел буе федераль округының архив оешмаларының Фәнни-методик советы утырышында, федераль һәм дәүләт архивы фондларының баш саклаучылары семинар-кинәшмәсендә архив документларын саклауны тәэмин итү өлкәсендәге эш тәҗрибәсен алмашуда катнашты.
Татарстан Республикасының Архив эше буенча дәүләт комитеты алдан бирелгән күрсәтмәләрнең үтәлүен күзәтү максатыннан “Татарстан Республикасы Сәламәтлек саклау министрлыгының Республика наркология диспансеры” дәүләт автоном сәламәтлек саклау учреждениесендә планнан тыш документаль тикшерү үткәрде. Тикшерү нәтиҗәсендә күрсәтмәнең үтәлгәнлеген раслаучы тикшерү акты төзелде.
Татарстан Республикасының Архив эше буенча дәүләт комитеты 2017 нче елгы тикшерүләр планы буенча архив эше өлкәсендә Россия Федерациясе һәм Татарстан Республикасы законнарын бозуны булдырмау һәм киткән бозуларны төзәтү максатыннан “А. Н. Туполев исемендәге Казан милли тикшеренү университеты – КАИ” югары һөнәри белем бирү федераль дәүләт бюджет мәгариф учреждениесендә тикшерү үткәрде. Тикшерү нәтиҗәсендә тикшерү акты төзелде һәм архив эше турындагы законнарның үтәлүендә ачыкланган бозуларны бетерү турында күрсәтмә бирелде.
2017 елның 2 нче июнендә Татарстан Республикасының Архив эше буенча дәүләт комитетында Татарстан Республикасы министрлыклары һәм ведомстволарының архив өчен җаваплы хезмәткәрләре катнашында җыелыш узды. Җыелышта министрлык һәм ведомстволарның документларын саклау вакыты күрсәтелгән исемлек проектларын эшләү буенча сораулар каралды һәм оешмаларның архив эшчәнлеген алып баруда төп таләпләр аңлатылды.
“Татарстан Республикасы архивлары” порталына “Казан губернасында чит ил капиталы” исемле документаль күргәзмә урнаштырылды. Экспозициядә Татарстан Республикасы Дәүләт архивында сакланучы документлар тәкъдим ителә. Алар арасында уставлар, докладлар, ведомостьлар, отчетлар, фоторәсемнәр һәм башка документлар бар. Аларда Казан губернасына чит ил капиталын җәлеп итү һәм төбәкнең социаль-икътисади үсешендә аның роле турында мәгълүмат тупланган.